Breudwd Welsh Prose 1300-1425
Cymraeg

Oxford Rawlinson MS. B 467 – page 85v

Meddyginiaethau

85v

Kẏmer wreid ẏ|tafol duon a|briỽ igẏt ac ẏme+
nẏn mei a|hen vlonec a|ffria ar ẏ|tan igẏt
a gỽedy hẏnnẏ hidla drỽẏ liein ac ira wrth
ẏ|tan arall. Kẏmer wreid ẏ|tafol duon a|phob
dan ẏ ỻẏdỽ a briỽ ẏn dda igẏt a|llẏsseỽẏn
a elỽir scabiỽs ac ẏmenẏn mei ac ira ef.
Rac ỻosk tan. Kẏmer oẏl dolẏf a dot ef meỽn
dỽr oer ac ẏmmot igẏt a|gỽedẏ hẏnnẏ dot
igẏt* ac ef beth o|r dỽr ac ymmot drachefyn
ac ir y|ỻosk a hỽnnỽ. iach vyd. dot ddalen o
gaỽl coch arnaỽ Rac pessỽch Kẏmer vlonec
hỽẏat neu i |cheilẏaỽc. a|blonec iar. a|mer
ir o|esgẏrn ki. ac ẏmenẏn gỽẏrẏ. a|chỽẏr
gỽẏnn ac ẏstor a|gỽna eli ac ir gledẏr
dẏ|ddỽyfron eithẏr gochel na chẏfarffo a|r
kẏlla Rac tra|gormod maessa Kẏmer