Shrewsbury MS. 11 – page 117
Y Groglith
117
gẏblon o|e dỽẏn ẏn lledrat ac ẏna ẏ dẏ+
wetir ẏ gyuodi o veirỽ a gỽaeth uyd
yna y kyueilorn diwethaf no|r gyntaf
Eỽch chỽitheu a chedỽch ẏ bed a hỽynte+
u a aethant a|niuer maỽr gantunt ẏ
gadỽ ẏ maen A|phan ẏttoed gỽaỽr·dyd
duỽ Sul ẏ ymdangos ẏ doeth Meir va+
tdẏlen a Meir araỻ ẏ edrẏch ẏ bed Ac
ar hẏnnẏ nachaf kynnỽryf ẏn|ẏ daẏa+
r canẏs aghel ẏr arglỽyd a discynnỽ+
ẏs o|r nef ac ẏmhoẏlut ẏ maen ac ei+
sted arnaỽ a chẏffelẏp oed ẏ lucheden
a|e diỻat ẏn vnỻiỽ a|r eira Ac rac ẏ
ofẏn ef ẏ dẏchrẏnỽẏs y keitỽeit ac ẏ dẏ+
gỽẏdẏssant ẏ veirỽ Ac ẏna ẏ dywaỽt
ẏr agehel ỽrth ẏ gwraged Na|uit ofẏn
arnaỽch chỽi Mi a ỽn panẏỽ Jessu yr
hỽn a groget a geissỽch chỽi nẏt ẏdiỽ
ẏma kan kẏuodes mal ẏ dywaỽt doỽ+
ch ac edrẏchỽch ẏ ỻe ẏ gossodet yndaỽ
| « p 116 | digital image | p 118 » |