Breudwd Welsh Prose 1300-1425
Cymraeg

Shrewsbury MS. 11 – page 126

Elen a'r Grog

126

paỽb onadunt panẏỽ Judas oed
proffỽyt ac a|ỽẏdat gwirioned a dẏ+
wedut a orugant ẏ elen Arglỽẏdes
heb hỽynt hỽnn a venẏc itti di a|da+
muno dẏ gallon Ac ẏna ẏd attalỽys
elen Judas e|hun gẏt a hi ac ẏ rod+
es hitheu ẏdaỽ ef dewis ae ẏ uẏỽ ae ẏ u+
arỽ Pỽẏ heb Judas a vei ẏn|ẏ diffeith a
newyn arnaỽ ac ẏ rodit bara ẏdaỽ a
vỽ·ẏtaei gerrẏc O mẏnnẏ ditheu heb
ẏr elen uot nac ẏn|y nef nac ar ẏ dayar
manac ditheu ẏmi croc yr arglỽẏd crist
ẏ mae heb ẏ Judas ẏn deu can mlẏned
hẏnnẏ hẏt hediỽ ac nẏ ỽdam ni ẏ ỽrth hẏ+
nnẏ Ednebyd di heb ẏ vrenhines vot
ẏmladeu groec a throẏa kẏn no hẏnnẏ
ac ẏ mae ẏn gof hediỽ ẏ gwẏr a las ẏ+
na a pha|le ẏ cladỽẏt ual ẏ menẏc ẏ llẏf+
reu nyt oes gennẏm ni arglỽydes
dim ẏn yscriu·ennedic o|r gouẏneu