Breudwd Welsh Prose 1300-1425
Cymraeg

Shrewsbury MS. 11 – page 67

Ysbryd Gwidw

67

enỽ duỽ gỽẏl Jeuan ebostol ẏn ỽẏthnos
nadoluc A dẏwedut a ỽnaeth ẏ chẏsser
a|e gofẏt rac bron ẏ prior A gỽedy gỽ+
elet o|r prior kỽẏnuan a gouẏt ẏ wre+
ic peri canu cloch ẏ wẏssaỽ yr hoỻ vro+
dẏr ẏ|r cabidiltẏ ẏ ẏmgyghor ac ẏ ẏm+
bỽẏsaỽ am ẏ pỽnk A chael nẏ kẏghor
a|ỽnaethant anuon Athro o naturs ẏ+
gẏt a|r wreic a deu vroder vuchedaỽl
gyt ac ỽẏnt ẏ traethu y damỽein ẏ
oreugỽẏr ẏ tre ac vellẏ ẏ gỽnaeth+
ant Ac ẏna ẏ rodes gỽẏr y tre deu+
cannỽr aruaỽc ỽrth ewẏllẏs ẏ prior
ẏ·gẏt ac ef ẏ vẏnet ẏ tẏ ẏ gỽr marw
A chẏn ẏ mynet gorchymun a wnaeth
ẏ prior ẏ baỽb o|r brodẏr ẏ bot ẏn lan
gyffessaỽl ac vellẏ ẏ gỽnaythant
a|r prior kẏn ẏ vẏnet a gant offeren
dros eneit ẏ gỽr marỽ ac a gẏmer+
th corff crist ac a|e rỽẏmaỽd mewn