Breudwd Welsh Prose 1300-1425
Cymraeg

Shrewsbury MS. 11 – page 78

Ysbryd Gwidw

78

lẏm etiueirỽch ac enỽeu r seint. Prior. gỽr+
thỽẏneb ẏ dẏỽetẏ achos crist a ossodes ẏ
pater a|r aghel ẏr Aue maria a|r ebestẏl
ẏ credo Ẏ seith salẏm hagen Athraỽon
ẏ rei nẏt ẏdẏnt ẏn gẏmeint o vreint
a|e gossodes. Gwidw. gỽir o herỽẏd breint
ẏ perssoneit a|e gỽnaeth goreu ẏnt ỽẏ
diethẏr o herỽẏd medỽl a deall a gossot+
dedigaeth gỽell ẏỽ ẏ seith Salẏm ac enỽeu
ẏ seint achos Athraỽon ẏr eglỽẏs a|e gosso+
dassant ẏr diffrỽẏthaỽ ẏ seith pechaỽt m+
arỽaỽl. Ẏ salẏm gẏnta ẏn erbẏn camsẏ+
berỽẏt. Ẏr eil ẏn erbẏn kenuigen Ẏ trẏ+
tẏd yn erbẏn digofein. Ẏ betỽrẏd ẏn er+
bẏn diogi. Ẏ bẏmhet ẏn erbẏn glothin+
eb. Ẏ chỽechet ẏn erbẏn goruẏnnicrỽ+
yd. Ẏ Seithuet ẏn erbẏn godineb. Prior.
beth a weda ẏ lẏgyon dẏỽetẏt dros ẏr
eneideu. Gwidw. dẏỽetẏt ẏ pater ac aue ma+
ria a|r creto a pheri canu offerenne a|ch+