Cambridge Trinity College MS. O.7.1 – page 19v
Llyfr Blegywryd
19v
y gan y brenhin. Maer a chyghellaỽr
bieu kadỽ diffeith brenhin hyny wnel
y vod o·honaỽ. Ac ỽynt o gyfreith a
gaffant y mel ar pyscaỽt. ar bỽyst ̷+
uileit bichein gỽyllt. O ennill y bren ̷+
hin y gan y vilaeneit y trayan a
gahant. or gỽyr ryd ny chaffant dim.
Ny byd penkenedyl maer hyt tra
uo maer. Ac ny cheiff eistedua dilis
yn neuad y brenhin. Tri dyn a gyn+
heil ef gantaỽ yghyfedach yn neuad
y brenhin. kylch a geiff ar vilaeneit
y brenhin dỽy weith yn|y vlỽydyn. Ar
y petwyryd. Yn anreith yd a ar y pet+
wyryd gyt a theulu y brenhin. Pan
gollo dyn y anreith o gyfreith. Maer
a chyghellaỽr bieu yr anneired. Ar
dinewyt. Ac or rei hynny y maer a
geiff ran deu ỽr. Teir punt yỽ cowyll
y verch. Seith punt yỽ y hegwedi.
Gỽerth galanas maer yỽ naỽ mu
a naỽ vgein mu gan tri drychafel.
Ac velly dros gyghellaỽr. Dros sar+
haet pob vn o·honunt. y telir naỽ
mu a naỽ vgeint aryant. punt yỽ
| « p 19r | p 20r » |