Cambridge Trinity College MS. O.7.1 – page 59r
Llyfr Blegywryd
59r
pob braỽdỽr eu datganu pan varn+
ho. haỽl. ac atteb. a barn. O tri
mod y kyll braỽdỽr gamlỽrỽ o var ̷+
nu. ac ny chyll werth y tauaỽt.
vn yỽ pan diuarnho y kyfryỽ a
varnassei gynt yn|y gyffelyb achaỽs.
Eil yỽ pan el ar gyfeilorn yn dat+
canu dadyl or cadarnha mỽy neu
lei yn|y dadyl noc a vu o eireu
grym. Trydyd yỽ na rotho gỽystyl
gyt ae varn pan rother gỽystyl a ̷+
rall yn|y herbyn. Or mod kyntaf.
y varn gamhaf a dileir. Or eil y
datgan a iaỽnheir. Or trydyd; y varn
heuyt a dileir yna kyt boet iaỽn
cany chadarnhaỽyt yn amseraỽl
trỽy ỽystyl. Os y dadleuỽr a ebreuyc ̷+
ca ymỽystlaỽ a braỽdỽr. nyt amgen
pan y datganho gyntaf idaỽ. ny che ̷+
iff ymỽystlaỽ ac ef am y varn hon ̷+
no byth gỽedy hynny kyn boet cam
y varn. yn gyffelyb y hynny ot ym ̷+
ỽystla ef yn amseraỽl ac nat ym ̷+
ỽystlo y braỽdỽr ac ef y varn a dygỽyd.
| « p 58v | p 59v » |