Cambridge Trinity College MS. O.7.1 – page 65v
Llyfr Blegywryd
65v
megys amser y tystu. neu y diuỽyn+
aỽ tystolyaeth varwaỽl. neu y lyssu
tystolyaeth vywaỽl. neu y alỽ gỽyby ̷+
dyeit. neu y eu gỽrthneu. neu y eu
llyssu. neu amser y ymỽystlaỽ am
varn. Amser y tystu yỽ pan darffo
cayu ar y dadyl yn erbyn haỽlỽr
or edewir dim or haỽl heb wadu
neu y amdiffyn. neu or dyweit yr
haỽlỽr. neu yr amdiffynnỽr dim
yn gam. neu yn aghyfreithaỽl. or
dyweit vn o·honunt geir cam parth
ar llall. ny pherthyn y holi o hynny.
namyn tystu arnaỽ yn deissyfyt.
marwaỽl yỽ pob tystolyaeth eithyr
y rei hynny. Y neb a uynho diuỽyn+
aỽ tystolyaeth varwaỽl. aet yn er+
byn y neb ae tysto. Y neb a vynho
llyssu tystolyaeth vywaỽl. Aet yn
erbyn y tyston. yn gyntaf ar eu geir
odyna gỽedy eu llỽ. A thyghet nat
tyst kyfreithaỽl arnaỽ. ac enwet yr
achaỽs. a dywedet tygu or tyst anu+
don. A thystet y deu ỽr nat aeth y
| « p 65r | p 66r » |