Breudwd Rhyddiaith Gymraeg 1300-1425
English

LlGC Llsgr. 24049 (Boston 5) – tudalen 42

Llyfr Blegywryd

42

edic. Eil ẏỽ hentat. Trẏdẏd ẏỽ; gorhentat
Petwared ẏỽ; brodẏr a|whiorẏd. Pẏmhet ẏỽ
keuenderỽ. Whechet ẏỽ; keuerderỽ. Seithu+
et ẏỽ; kẏfnẏeint. Wẏthuet ẏỽ; gorehenẏ+
eint. Naỽuet gorchaỽon. Aelodeu ẏr acho+
ed hẏnnẏ ẏnt; nẏeint. ac ewẏthred ẏ|llof+
rud. neu ẏ|lladedic. Nei ẏỽ mab braỽt.
neu whaer. neu keuenderỽ. neu gẏfnitherỽ.
neu gẏferderỽ. Ewẏthred ẏnt; braỽt. tat
neu vam. neu hentat. neu henuam. neu or+
hentat. neu orhenuam. Hẏnn ẏỽ meint
rann pob vn o|r rei hẏnnẏ oll Pỽẏ|bẏnnac
a uo ness o vn ach ẏ|r llofurud. neu ẏ|r|lladed+
ic noc arall; hỽnnỽ a tal neu a erbẏn deu|kẏ+
meint a|r llall. Ac uelly y mae am baỽp o|r a+
choed. ac eu haelodeu Plant ẏ|llofurud.
neu ẏ|lladedic ny dylyant talu dim. na|e er+
rbynẏaỽ o werth galanas. Kannẏs rann ẏ
llofurud yr hỽn a tal mỽy noc vn arall. a
seif drostaỽ ef a|e blant A phrẏder ẏr rei
hẏnnẏ heuẏt a|berthẏn ẏ|vot arnaỽ ef.
Prẏder plant ẏ lladedic a berthẏn ẏ|vot ar
ẏ reeni a|e|gẏtetiuedẏon a gaffant traẏan
gỽerth ẏ alannas. Ac gỽerth cỽbẏl ẏ sar+
haet