LlB Llsgr. Cotton Titus D IX – tudalen 18v
Llyfr Blegywryd
18v
vdunt y|wys. neu taraỽ post teir gỽeith. ny eill
neb mynet ynn|y erbyn onyt trỽy llys. Gỽys
righill heb tyston; o|teir llaỽ y|gỽedir. O|tri
mod y keternneir gỽys; o|tyston. a|mechniae+
th. neu auael. Teir gỽys ny ellir ei gỽadu
kynn amsser tyston. gỽys gann tystu ny wn+
eir onyt am|tir a|ovynner o ach ac etryt.
trỽy naỽuettyd mei. ne galan gayaf. O|r
gouynnir tir yn amgen no hynny. neu be+
th arall. a gỽadu vn wys trỽy tỽg am ̷ ̷+
danaỽ. trỽy vechni y|dylyir kattarnnav
gỽys ar|y|neb a|e gỽatto. Y|lle y|pallo mechni vn
weith. gauel a|dylyir y gymryt yno. ac
os tir a|ovynnir. tir a|euelir. Pallu mech ̷ ̷+
niaeth yỽ; na rother mach yny dylyher.
neu y|rodi a|e tremygu. Tremyc gỽys neu
vechniaeth yỽ; na del yn dyd galỽ y|lys
ossodedic y|atteb. neu y amdiffynn rac at+
teb. TRi dyn ny dylyir eu gỽyssyaỽ. ty ̷ ̷+
st. a|gỽarant. a gỽeithredaỽl kyssỽynn.
neu gyfuadef. mechni a|dylyir ar hỽnnỽ.
TRi ryỽ wadu yssyd; gỽadu oll y dadyl a|dott+
er ar dyn. a|hỽnnỽ a ỽedir trỽy reith os+
sodedic heb na mỽy na llei. Eil yỽ; adef
rann o|dadyl drycỽeithret. a gỽadu y|cỽ+
byl weithret. ac yna y gỽedir gan chỽa ̷ ̷+
| « p 18r | p 19r » |