LlB Llsgr. Cotton Titus D IX – tudalen 84v
Llyfr Blegywryd
84v
vab. A oes vn mab a|vo reit y|wadu. neu|y
gymryt heb y|dỽyn. Oes. Mab gỽreic
vut. Kanny eill hi y|dỽyn ynn|y byỽyt
o|e tat. a|e gennedyl yn dywedut y han+
vot ef ohonunt. ac yna y|mae reit
y|gymryt. neu y|wadu heb y|dỽynn.
Pỽy|bynnac a holho da trỽy edeỽit.
holet trỽy vri duỽ. a|holho da trỽy
amot. holet trỽy amotỽyr. a|holho
da. neu venffic. neu adneu. neu o|luny+
eith a wnnel yg|gỽyd kyhoed. holet
trỽy wybydyeit. TRi dyn a|dylyant
sarhaet. ac ny dylyant alannas.
vn yỽ o|r deruyd tybyaỽ ar|dyn llad y
llall. ac na|s gỽatto. kyt|boet gỽirion.
ac am hynny y sarhau. ef a|dyly tal
y|sarhaet. a|phei lledit ny chaffei dim.
Eil yỽ; o|r deruyd y|dyn talu cỽbyl o ̷
alannas namyn vn geinnaỽc. ac
am hynny y sarhau. ef a|dyly tal y
sarhaet. a|phei|lledit ny chaffei dim.
Trydyd yỽ caeth. nyt oes alannas
idaỽ. namyn talu y|werth o|e|arglỽyd
mal gỽerth llỽdynn. TRi dyn a|dyly+
ant alannas sarhaet ac ny dylyant
sarhaet. vn yỽ ynvyt. a dyn a lather
| « p 84r | p 85r » |