Llsgr. Caerdydd 1.363 (Hafod 2) – tudalen 129r
Brut y Brenhinoedd
129r
ereyll a thydeỽ. ereyll ac escholyon. ac eyssyoes
ny dygrynoes dym henny ỽdỽnt. Ac gwedy dy+
ffygyaỽ paỽb a phallỽ eỽ nerth en hollaỽl ỽ+
dỽnt chwerthyn a gwnaeth merdyn a pha+
ratoy y celfydodeỽ enteu a|e peyryanheỽ. ac|g+
wedy darỽot ydaỽ kyweyryaw pob peth o|r a o+
ed reyt ydaỽ en yskafnach noc e gellyt y credỽ
e dyodes ef e meyn. ac gwedy eỽ dyot e perys ef
eỽ dwyn wynt hyt e llogheỽ ac eỽ gossot endv+
nt. ac e ỽelly kan lewenyd e deỽthant hyt en en+
ys prydeyn y gyt a herwyd wynt. ac o·dyna ed
aethant hyt e lle edoedynt bedeỽ gwyr da henny.
Ac gwedy mynegy henny y emreys Wledyc. amr+
aỽalyon kennadeỽ a enỽynaỽd enteỽ trwy h+
oll ranneỽ a gwladoed enys prydeyn ac erchy y pa+
ỽb o|r lleygyon ac o|r escolheygyon en llwyr em·ky+
nnwllaỽ a dyỽot hyt em mynyd ambyr. hyt pan
ỽey trwy lewenyd ac anryded y kyweyrynt e me+
yn henny eg kyllch bedraỽt er anrydedwssyon wyr
henny. Ac wrth henne en herwyd e gwys a osso+
des e brenyn e deỽthant er archescyp ar escyb. ar|a+
badeỽ. ar athraon. ar escolhegyon. a hynny o
pob amraỽayl ỽrdas o|r a oed a dan y lywodraeth
| « p 128v | p 129v » |