Llsgr. Caerdydd 1.363 (Hafod 2) – tudalen 148v
Brut y Brenhinoedd
148v
gwyskỽch. ac en ỽraỽl kyrchỽch e brad+
wyr hynn. a hep pedrỽs kan kanhwrth+
ỽy cryst ny a orỽydỽ n.
AC odyna gwedy dywedwyt o arth+
vr henne. dyfryc archescob kaer ll+
yon a aeth a seỽyll ar penn brynn. ac en
wuchel ef a dywaỽt ỽal hynn. A wyrda
ep ef er rey essyd arderchaỽc o crystonog+
aỽl proffess presswylet enoch chwy gwar+
der a chof ech kywdaỽtwyr ac ech gwlat
er rey ar ry las ac a dystrywywyt trwy vr+
at e paganyeyt. kanys tragywydaỽl gwa+
radwyd ỽyd y chwy onyt ymrohỽch y eỽ
hamdyffyn. Ac|wrth henny ymledỽch tros
ech gwlat. ac o byd reyt dyodefỽch agheỽ
trosty og ech bod. kanys er agheỽ honno
a vyd bỽdỽgolyaeth a bwched yr eneyt. Pwy
bynnac hedyw a el y agheỽ ef e hỽnan a ym+
ryd en wyr aberth y dyw. ac nyt pedr+
ỽs ymlyn cryst o·honaỽ o|r hỽnn a wu teyl+
wng kanthaỽ rody y eneyt tros y ỽrodyr.
| « p 148r | p 149r » |