Llsgr. Caerdydd 1.363 (Hafod 2) – tudalen 164v
Brut y Brenhinoedd
164v
aỽrhon holy teyrnget o·honey. En kynhe+
byc y henny; mynheỽ a varnhaf dylyw o|r
rỽueyn talỽ teyrnget y mynheỽ. kanys ỽy
hen ryeny ynheỽ gynt a oreskynnassant rỽ+
ueyn. ac a|e kynhalyassant. Nyt amgen be+
ly vap dyfynwal kan kanhwrthwy bran y
ỽravt dvc bwrgwyn gwedy crogy pedw+
ar gwystyl arr|ỽgeyn o dyledogyon rỽue+
yn rac bron e porth. Wynt a|e dalyassant tr+
wy lawer o amseroed. Ac gwedy henny cv+
stennyn vap helen. a maxen vap lywelyn p+
ob ỽn o|r rey henny en kar agos y my o keren+
hyd ac en vrenhyned arderchaỽc o coron pr+
ydeyn er hwn gwedy y gylyd a kaỽssant am+
herodraeth rỽueyn. Ac|wrth henny pany b+
ernwch chwy bot en yaỽn y mynheỽ deyssyv+
eyt teyrnget o|r rvueyn. O ffreync hagen ac
o|r enyssed ny wrthebvn vdỽnt. kanys pan y go+
reskynnassam ny deỽthant o|y hamdyffyn nac o|y g+
warafỽn. ac wrth henny ny wrthebỽn ỽdvnt o|r
AC gwedy tervynỽ o arthvr [ rey hynny.
ar y amadraỽd. ef a erchyt y howel ỽap e+
mhyr|llydaỽ em blaen er rey ereyll gwrthep
| « p 164r | p 165r » |