Llsgr. Caerdydd 1.363 (Hafod 2) – tudalen 48v
Brut y Brenhinoedd
48v
dwyt. Ac gwedy bot yn paravt y corn lleỽelys
a dywaỽt wrth y ỽraỽt yr rodey ef ydaỽ ef ryw
pryỽet a gadỽ rey onadỽnt yn ỽyw y hylyaỽ rac
oỽyn damwynnyaỽ eylweyth dyỽot yr ryw orm+
es honno a chymryt ereyll o|e pryvet ac ev brywav y+
m plyth dỽfyr ac ef a kadarnaey bot yn da er rey
hynny y dystryw kenedyl coranyeyt. Ryt* amgen gwe+
dy yd elhey adref o|y teyrnas e hvn galw pavb y gyt
o|y pobyl ef ac|o kenedyl e coranyeyt y vn datlew y vyn+
nv gwneỽthỽr tagnheved yr rygthwit*. Ac|yna
gwedy delhey paỽb y gyt kymryt y dỽfyr hỽnnỽ a|e
ỽurỽ yn kyffredyn ar paỽb. ac ef a kadarnhaey e byd+
ynt ỽarỽ y coranyeyt yn kỽbyl. ac nat eydygaỽey
nep o|e kenedyl ynteỽ e hỽn. AR eyl ormes hep ef
ysyd y|th kyỽoeth ty. dreyc yw honno y dreyc arall
estraỽn kenedyl ysyd yn ymlad a hy ac yn keyssyaỽ
y gorescyn. Ac wrth hynny rac llyt y dyt ych dre+
yc chwy y dyaspat engyryaỽl honno. Ac val hy+
nn y gelly kaffael gwybot hynny. Gwedy yd ely+
ch atref messỽr yr ynys y hyt a|e llet. ac yn y lle
y keffych y perỽed yn yaỽn par cladv y lle honno
ac gwedy hynny par dody kerwyn yn llaỽn o|r
med goreỽ a aller y wneỽthỽr ym mevn y clad
| « p 48r | p 49r » |