Llsgr. Caerdydd 3.242 (Hafod 16) – tudalen 31
Meddyginiaethau
31
dyr o frangk·a·cens. a|rosin. ac ychydic o gwyr newyd. a berỽ
ygyt ac ymot yn da. a|phan darffo hynny hidyl trỽy liein. a
chadỽ gennyt kanys da yỽ. Rac gỽres a|gỽewyr myỽn bra ̷+
theu y rei a ludyant y dyn gysgu; kymer. wreid yr holihock.
a risc kenaỽl o brenn ysgaỽ. o bob un kymeint a|e gilyd. a briỽ
bob vn o·honunt e|hunan. a|dot ygyt ac ef vlonec a|gỽin gỽynn
o|r|gyffelyb vessur. a berỽ yn da y·ny el yn deỽ. ac yna kymer
liein gỽedy y|dynni yn|dynna ac y gaỻer. a gỽlych. ac odyna
dot ar|y tent pỽdyr o alym. a gossot ar|y brath. Y garthu ac|y
lanhau bratheu. neu dyrnodeu. kymer. kalamynt a briỽ a|dyro
idaỽ y|ỽ yfet yn|dỽym y sud a hỽnnỽ a|e gỽna ef yn lan yn|wir.
Araỻ yỽ y iachau brath; kymer sanikyl. a deil y coch·gaỽl
a|r wermot. a|ỻydan y|ford. violet. aych. bugyl. a hat y dryssi.
Sef yỽ hynny eu blodeu ỽy. a blodeu y|dynat cochyon. a briỽ
y|rei hynny gyt a|blonec neu ygyt ac emenyn myỽn pa+
deỻ. a gỽasc ef drỽy liein. a|dot y gadỽ. Araỻ yỽ; kymer
dyrneit o|r ỻyssewyn a|elwir tauot y ki. ac o|smalaech. o|r
dryssi. a briỽ ỽynt ygyt myỽn morter. a chymer. y sud hỽnnỽ
a|dot gyt ac ef lỽyeit o uel glan. a gỽynn·wy wedy y gymys+
cu yn|da a|e loewhau. a|dot gyt ac ỽynt gann gỽenith yny
vo teỽ. ac ymot yn|da ygyt a dot ar y brath ac ef a|e iachaa.
O|r byd brath newyd; briỽ y|mintan a|dot arnaỽ ac ef a|vyd
iach. Araỻ yỽ. Rac brath myỽn penn. briỽ y|danhogen
gyt a hen vlonec a|dot arnaỽ. Araỻ yỽ; kymer. y verueyn a|briỽ
gyt a halen a hen vlonec. ac ef a|dynn y|maes yr|esgyrn tỽnn
ac a|iachaa y brath. Y dynnu haearn neu brenn o|vrath. kymer.
dyrneit o sanikyl a|dyrneit o|r eidra. a dyrneit o|r hemloc. a
| « p 30 | p 32 » |