Rhydychen, Llsgr. Coleg yr Iesu 57 – tudalen 156
Llyfr Blegywryd
156
P ỽy bynnac a|torro not ar ffin rỽng deu dir
neu dỽy dref. talet gamlỽrỽ y|r brenhin. a
phedeir keinyaỽc. kyfreith. y|r perchen. a gỽnaet y not ~
ual y bu Os auon a uyd not rỽng tired. neu|dydyn.
a|dygỽydaỽ derwen ar draỽs yr auon. perchen y
tir y|tyfo y prenn o·honaỽ bieiuyd y prenn ac a|ber ̷+
thyno y ỽrthaỽ. Y neb a ardo prif fford. neu ffos ar
ffin. talet chweugeint y|r brenhin. Gỽahardadỽy
yỽ y coet am y ffrỽytheu o|r pymhet dyd kynn gw+
yl vihangel hyt y pymthecuet dyd gỽedy yr ystỽyỻ.
ac o|r moch a gaffer yn|y coet. ỻader y decuet ohon+
unt hyt naỽ. ac odyna ỻader pob un pan gaffer
hyt y diwethaf. O|r moch a|distrywho yt aeduet
taler gỽerth yr yt a distrywyt drostunt. Pan
gaffer moch myỽn gỽeirglaỽd neu myỽn yt
kynn y vot yn aeduet. ot ymchoelant y rei hynny.
talet perchen y moch pedeir keinyaỽc. kyfreith. drostunt.
nac un a|vo na ỻiaỽs y·gyt achaỽs agori daear. ac
ueỻy ym|pob tir a|waharder racdunt ot agoret.
R ỽng ỻys a ỻan naỽ nieu y rodi atteb. a|naỽ
| « p 155 | p 157 » |