Rhydychen, Llsgr. Coleg yr Iesu 57 – tudalen 34
Llyfr Blegywryd
34
canet y bard teulu idi tri chanu. o gerd uan+
gaỽ trỽy lef megys na|lesteiryo ar y neuad.
Y dir a|geif yn ryd. ac ny cheif dim ar nei+
thoreu gỽraged gỽryaỽc kyn|no hynny. Sef
vyd penkerd. bard gỽedy enniỻo kadeir. Ny|dyly
bard erchi dim heb y gennat ef hyt y bo yn|y
sỽyd. o·nyt bard gorwlat. kanys ryd hỽnnỽ.
Kyt gỽahardo y brenhin rodi dim y|eirche+
it yn|y wlat hyt ym|penn yspeit ryd vyd y
M Edyc ỻys y sarhaet a|e a +[ penkerd.
lanas ual y dywetpỽyt vry. ef a eisted
yn nessaf y|r penteulu. Y dir a|geif yn ryd. a
march gan y brenhin. Yn rat y medegynyae ̷+
tha ef sỽydogyon y ỻys oỻ. kany cheif gan+
thunt namyn eu|diỻat creulyt a|torrer a he+
yrn. dyeithyr o|r teir gỽeli angheuaỽl a|elwir
o vyỽn dyn. dros bop un o|r rei hynny ef a
geif punt heb y vỽyt. neu naỽ ugeint a|e
ymborth. Sef ynt. torri penn dyn hyt yr emen+
nyd. neu vrathu dyn yn|y arch hyt y keu.
| « p 33 | p 35 » |