LlGC Llsgr. Llanstephan 4 – tudalen 25r
Buchedd Dewi
25r
ragor rac pob sant a brenhin a|dyn yn
yr ynys honn. Nodua dewi yỽ. pa|le byn+
nac y bo tir kyssegredic y dewi sant ac
na lyuasso na brenhin na thywyssaỽc
nac esgob na sant rodi naỽd idaỽ ym
blaen dewi. kanys efo|a|gafas ym blaen
paỽb ac ny|s|cafas neb yn|y vlaen ef ka+
nys ef a|ossodes duỽ a|dynyon yn ben+
naf o|r hoỻ ynys. Ac yna yd ysgymuna+
ỽd hynny o seint o duundeb y brenhin+
ed y neb a|dorrei nodua dewi sant.
Ac odyna ual yd oed dewi duỽ maỽrth
diwethaf o vis chwefraỽr yn|gỽaran ̷ ̷+
daỽ ar yr ysgolheigyon yn|gỽassanae+
thu duỽ. nachaf y clywei agel yn ym+
didan ac ef ac yn|dywedut ỽrthaỽ ual
hynn. Dauyd heb yr angel y peth a|geis+
seist yr ys|talym y gan dy arglỽyd duỽ
y mae yn baraỽt ytt pan y mynnych.
Sef a|oruc ynteu yna drychafel y wy+
neb y vyny a ỻawenhau a|dywedut ual
hynn. Yr aỽr honn arglỽyd kymer dy
was y|th tagnofed. Sef a|oruc yr ysgol+
heigyon a|oed yn gỽarandaỽ y|deu ym+
adraỽd hynny. synnẏaỽ arnunt yn uaỽr
a syrthyaỽ megys dynyon meirỽ. Ac yn
| « p 24v | p 25v » |