LlGC Llsgr. 3036 (Mostyn 117) – tudalen 104
Brut y Brenhinoedd
104
a|e diweirdeb. Ac y|am hynny erchi idaỽ a|wnaeth
kynan trỽy y lythyreu kynnullaỽ a|uei o wreic
wedỽ o verchet dylyedogyon ynys prydein. ỽrth
eu rodi y|ỽ dylyedogyon ynteu. Ac ygyt a hynny
erchi a|wnaeth kynnullaỽ mỽyhaf a allei o wraged
gỽedỽ ereill a uei is eu breint no|r rei hynny ỽrth eu
rodi yn llydaỽ y|gyfryỽ ac y dylyynt. Sef oed y du+
naỽt hỽnnỽ. braỽt y garadaỽc y|gỽr a|dywespỽ+
yt uchot. Ac|a dothoed yn lle y vraỽt yn vrenhin.
A phennaduryaf heuyt yn ynys prydein oed. ka+
nys idaỽ y|gorchymynnassei vaxen llywodraeth
a thywyssogyaeth y teyrnas er pan athoed o·hon+
ei hyt tra uei ynteu odieithyr yn guneuthur y g+
veithredeu hynny.
A Guedy dyuot ar dunaỽt y|gennadỽri honno
vfydhau a oruc idi. Ac anuon guys yn dian+
not a oruc dros ỽyneb ynys prydein y gynnullaỽ
y guraged hynny mal yd archydoed idaỽ. Sef eir+
if a|gynnullỽyt o verchet dylyedogyon. Vn vil ar
dec. Ac o wraged oed is eu breint y|am verchet y|tir+
diwhyllodron a bileineit deu ugein mil. Ac erbyn
dyuot y|gynnulleitua honno hyt yn llundein;
y kynnullỽyt a gaffat o logeu yg kylch traetheu
ynys prydein ỽrth eu hanuon megys yd erchys ̷+
sit hyt yn llydaỽ. A chyt bei laỽer ym|plith hynny
o wraged a chwennychei vynet yuelly y eu rodi
y|wyr o|wlat arall. eissoes yd oed lawer a|oed well gant+
| « p 103 | p 105 » |