LlGC Llsgr. 3036 (Mostyn 117) – tudalen 72
Brut y Brenhinoedd
72
rufein vlkessar. Ac a|e hurdassei yn arueu. Ac a|e dys+
gassei y|milỽryaeth. A chymeint uu garyat guyr
rufein gan y gỽr hỽnnỽ; A chyt gallei attal eu teyrn+
get o|e hanuod; y rodei udunt heb oruot y erchi na|e
gymhell. A|r amser hỽnnỽ y|ganet yr arglỽyd iessu
grist holl gyuoethaỽc. o|r arglỽydes diweir veir wyry
vendigeit. y|gỽr a brynỽys y cristonogyon yr creu y
galon a oedynt rỽymedic o gadỽyneu dieuyl uffern.
A Guedy bot kynuelyn vab teneuan yn vrenhin.
deg mlyned. y ganet deu vab idaỽ. A|r|hynaf a
elwit Gỽydyr. A|r ieuhaf a elwit Gueiryd a·darweni+
daỽc. A guedy eilenwi diewed y uuched o gynuelyn.
y|gỽnaethpỽyt Gỽydyr yn vrenhin. Ac y dechreuis
atal teyrnget gỽyr rufein. Ac yna y doeth Gloyỽ
amheraỽdyr rufein a llu gantaỽ hyt yn ynys prydein.
y|gemhell y|teyrnget tracheuyn. A|thywyssaỽc y
ymladeu gyt ac ef. Sef oed y enỽ lelius hamo yr
hỽn y|gỽnaei yr amheraỽdyr pop peth trỽy y gyghor.
Ac y porchestyr y|doethant yr tir. Ac yna y|dechreus+
sant kayu pyrth y|dinas a mur maen mal na chaei
neb o uyỽn mynet allan. kanys eu bryt oed eu gỽa+
rchae ac eu kymhell trỽy newyn y wedaỽl daryst+
ygedigaeth udunt. A guedy dyuot y|chwedyl ar ỽy+
dyr. kynnullaỽ a oruc ynteu holl ymladwyr ynys
prydein yn|y erbyn. A guedy deuot y deu lu yn gyfa+
gos a bydinaỽ o pop parth. dechreu ymlad a mol+
estu y elynyon a wnaeth Gỽydyr yn ỽychyr. A|mỽy
| « p 71 | p 73 » |