LlGC Llsgr. Peniarth 11 – tudalen 109v
Ystoriau Saint Greal
109v
yny wahanaỽd y eneit a|e gorff. A|gỽedy y varỽ ef. ỽynt a|welynt
ỻaỽ yn|dyuot o|r nef. ac ny welynt dim o|r corff namyn hynny. a|r
ỻaỽ a|gymerth y|racwerthuaỽr lestyr yr hỽnn a|elwit y greal. ac
a|aeth ac ef ymeith. ac yr|hynny hyt hediỽ ny bu neb a|aỻei y
welet ar y|daear onyt gỽalchmei vn weith. ~
P an weles paredur a|bỽrt galaath yn varỽ trist a|doluryus
vu ganthunt. a|phany|bei eu|daet gỽyr ỽynt a|syrthyass+
ynt myỽn anobeith. a|r|bobyl o|r wlat a|vuant trist heuyt. A
phan|daruu argyfrein galaath a|e gladu paredur a|gymerth
abit meudỽy ymdanaỽ. a|bỽrt a|drigyaỽd gyt ac ef. dieithyr ny
chymerth ef amgen abit noc vn y byt ual y gnotaaỽd o|r|blaen.
kanys y vedỽl oed ar|dyuot dracheuyn y lys arthur. Blỽydyn a
deu vis gỽedy hynny y bu baredur yn vyỽ. ac wedy y uarỽ bỽrt a
beris y gladu gyt a|e chwaer. Pan weles bỽrt y|vot e|hun megys
yn ardal babilon. ef a|gychwynnaỽd ymeith yn aruaỽc ac a|doeth
y|r mor. ac a|gafas ysgraff ac a|doeth racdaỽ. ac ny bu haeach o
amser yny doeth y loegyr. a|gỽedy y dyuot y|r tir ef a|varchoca ̷+
aỽd yny doeth y gamalot. yn|y ỻe yd oed arthur yr|hwnn a|wnaeth idaỽ
lewenyd maỽr ef a|e varỽnyeit kanys kanys* ỽynt a|debygassynt
y|goỻi yr ys|talym. A|gỽedy bỽyta arthur a|ovynnaỽd idaỽ y gyfrangk.
ac ynteu a|e|datkanaỽd idaỽ ual y clywsaỽch o|r|blaen. Ac yna ar+
thur a|beris y ysgriuennydyon ysgriuennu eu|hanturyeu. A|gỽe+
dy daruot gỽneuthur ac ysgriuennu anturyeu y greal o gỽbyl. w+
ynt a|anuonet y ynys auaỻach o|e cadỽ. ac ueỻy y teruyna y
rann gyntaf o|r greal. nyt amgen no|r|keis. Beỻach dyweda+
dwy yỽ o rann walchmei. ac o anturyeu y milwyr ual y kyfaruu
ac ỽynt.
| « p 109r | p 110r » |