LlGC Llsgr. Peniarth 15 – tudalen 139

ohir doyn* y vorỽyn attaỽ ac ỽynt a|e dugant A|r gỽr drỽc hỽnnỽ

a dechreuaỽd dywedut ỽrthi. A vorỽyn dec heb ef y pỽy y credy|di. Mi a or+

chymynnaf it gredu y|m duỽ i. Ac ony credy|di. Megys y credaf|iMyn ̷ ̷

y|ffyd a dylyaf|i y apolin. A|theru·agunt vchel. Mi a|baraf dy|difethaỽ

heb ohir a|th crogi yn uchel mal lleidyr neu dy|dodi yg|karcharka ̷ ̷+

darn hyt na|welych na|th traet na|th dỽylaỽ. Os y iessu y credy|di

Mi a credaf heb y katrin y vab Meir yr hỽn a rodes imi eneit a by+

wyt a synhỽyr a|nerth a grym y hỽnnỽ y credaf|i Ac ef a enrede+

daf Ac yn·daỽ y|mae vyg|gobeith. vyg|chorff a eỻy di y ỻad. Mi a cre+

daf o|m kalon yn gỽbyl yn yr arglỽyd a dichaỽn ỻad yr eneit a|r corff

A maxen a lidyaỽd yn vaỽr pan dywaỽt hi o duỽ Ac yna y gelwis ef

attaỽ rei o|e wassanaethwyr ac erchi udunt dodi katrin yg|karchar

A|r vorỽyn a garcharỽyt Ac eissoes duỽ a|rodes trugared idi o dodi ryỽ

olyuat hyt pan yttoed yr eol oỻ y* oleu. yr eggylyon* a doethant y

waeret ar yn ỻewenyd a wnaethant y|r vorỽyn hyt nat oed dyn yn|y

byt a aỻei y dywedut na chalon y vedylyaỽ nac yscolheic y yscrifen+

nu Morỽyn y duỽ nac ofyna ti namyn cret yn kadarn y mae dy le

wedy arglỽyaỽ* rac bron duỽ Ac yno y dodir coron am y* ben ti

Maxen a elwis y wyr attaỽ Ac ofynnaỽd kyghor udunt py dylỽ y

gaỻei ef droy medỽl y vorỽyn y ỽrth duỽ a gỽassanathu* apolin y

duỽ ef y gyghorwyr a erchis idaỽ yn diohir anuon yn ol y athra+

won gỽreu* o|e wlat o dilechtit Ac astronomi megys y gyỻynt gor+

uot ar y vorỽyn. yr athraỽon a doethant yno A Maxen a dywaỽt ỽrth*+

tunt mal yd oed y vorỽyn ffol a elwit katrin na chredei o|e duỽ ef. O|r

geỻoch heb ef y goruot. Mi a rodaf ỽch* digaỽn o eur ac areant yr

athro kyntaf a doeth yno a dywaỽt ỽrth y voryn heb ohir. ti heb ef

a dyly dechreu. kanys o|th achaỽs di y doetham ni yma. Ac y kaỽssam

ni lafur maỽr O achaỽs hynny y dyly di dangos dy gyghor di Ac o+

dyna gofyn an synhỽyr ninneyu*.  y vorỽyn dan o·wenu a dewaỽt* yn

wir bychan y clotuoraf|i aỽch synhỽr* iỽchi. A bychan y clotuoraf|i chỽi.

kanyt atweinỽchi vyn duỽ i A chanys dylyaf|i dywedut ohonaỽ ef

Gỽrthodỽch chwi aỽch keluydyt euaỽc yrdaỽ ef. yna y|dywaỽt yr

athro. Merch dec heb ef y pỽy y credy|di Paham y gorthody*|di a* dỽy+

eu ni. Atteb inni heb ohir Mi a gredaf heb hi y vn mab meir a anet

o wyry lan heb pechaỽt a heb folineb a heb gymysc yn·daỽ o drỽc Ac