LlGC Llsgr. Peniarth 18 – tudalen 17r
Brut y Tywysogion
17r
dyant. ac a|darestagassei llaỽer o|ỽladoed tra·mor ỽrth
y|lywodraeth. Rei o nerth ac arueu. ereill o aneryf rod+
yon o eur ac aryant. Y|gỽr ny|s dichaỽn neb ymos+
gryn ac ef eithyr duỽ e|hun y neb a rodes y ryỽ ued+
yant idaỽ. a|gỽedy dyuot Gruffud ap Rys yn|gyn+
taf y deuth y iscoet. ac yna y kyrchaỽd y|lle a|elỽir
blaen porth hodnant. Yr honn a|adeilassei nebun
teỽyssaỽc flemissỽr a|elỽit Gilbert vab Rickert. ac
yno yd oed y flemisseit yn trigyaỽ. a|gỽedy ymlad
dydgỽeith ar hyt y dyd a|llad llaỽer o|ỽyr y|dref.
a|llad vn o|e wyr ynteu. a llosgi y ran vỽyhaf o|r dref
heb gael dim amgen no hynny. yd ymhoelaỽd dra+
chefen. Odyna y ruthraỽd gỽyr y|wlat attaỽ o|di+
eflic annocedigaeth yn gyfun megys yn deissy+
uyt. ar saesson a|dugassei gilbert kynn no hynny
y|gyflenỽi y ỽlat. yr honn kynn no hynny o ana+
mylder pobloed a oed wac hayach o|gỽbyl. a|diffei+
thaassant ac a ladassant. ac a|e yspeilassant ac
a losgassant y|tei. a|e hynt a|e kynnhỽryf a|dugant
hyt ymhenỽedic. a|chylchynu a|orugant castell ra+
zon ystiỽart. gilbert a oed ossodedic yn|y a elỽit ys+
trat peithill. ac ymlad ac ef a|orugant a|e orchyuy+
gu. a|gỽedy llad llaỽer yndaỽ y|losgi a|ỽnaethant. a
phan deuth y nos pebyllaỽ a|ỽnaethant yn|y lle a|el+
ỽir y glasgruc. megys ar villtir y|ỽrth eglỽys pa+
darn. anadasrỽyd a|ỽnaethant yn yr eglỽys dỽyn
| « p 16v | p 17v » |