LlGC Llsgr. Peniarth 18 – tudalen 5r
Brut y Tywysogion
5r
uerth a|e urodyr. a|rannu y kyuoeth y·rydunt. a|gỽedy
ychydic o amser y delis ioruerth maredud y|uraỽt. ac y
gỽarchaeaỽd yg|karchar y|brenhin. a|hedychu a|oruc a|cha+
dỽgaỽn y|uraỽt. a|rodi keredigyaỽn a|rann o|poỽys idaỽ
Ac odyna mynet a|ỽnaeth Joruerth at y brenhin. a|theby+
gu y|r brenhin cadỽ y edeỽit ỽrthaỽ. a|r|brenhin hep gadỽ
amot ac ef a|duc y|gantaỽ dyuet. ac a|e rodes y|neb un
varchaỽc a|elỽit saer. ac ystrat tyỽi. a|chetỽeli. a|gỽhyr.
a|rodes y hoỽel ap goronỽ. Ac yn|y kynhỽryf hỽnnỽ y|delit
goronỽ ap rys. Ac y|bu uarỽ yn|y garchar. Y|ulỽydyn rac+
ỽyneb ỽedy dyrchauel o magnus brenhin germania hỽyleu
ar|ychydic o|logeu. a diffeithaỽ a|oruc teruyneu prydein.
A|phann ỽelas y|prydeinỽyr hynny megys morcrugyon o
gyuyghaf tylleu ygogofeu y|foassant y|kyfodassant ynn
gadoed y ymlit eu hanreith. a|phann ỽelsant y|brenhin
ac ychydic o niuer ygyt ac ef. kyrchu ynn ehofyn a|oru+
gant. a gossot brỽydyr yn|y erbyn. a|phann welas y|bren+
hin hynny. kyỽeiraỽ bydin a|oruc hep edrych ar amylder
niuer y|elynyon. a|bychanet y niuer ynteu herỽyd moes
yr almanỽyr drỽy goffau y|aneiryf uudugolaetheu gynt.
kyrchu a|oruc yn agkyfleus ynvyt. a gỽedy gỽneuthur
y|vrỽydyr. a|llad llaỽer o|bop tu. yna o|gyỽarssagedigaeth
luoed. ac amylder niueroed y|elynyon y|llas y|brenhin.
Ac yna y|gelỽit ioruerth ap bledyn y|amỽythic trỽy dỽ+
yll y|gygor y|brenhin. ac y|doosparthu dadleuoed. a|e ne+
gesseu. a|phann deuth ef yno yd ymhoelỽyt yr holl dad+
| « p 4v | p 5v » |