LlGC Llsgr. Peniarth 190 – tudalen 33
Ystoria Lucidar
33
dut pan anet na cherdet. Magister|Gaỻei pei as
mynnei. ny mynnaỽd ef hagen symudaỽ
dynaỽl anyan. discipulus A damchweinaỽd neb·ryỽ
anryuedaỽt pan anet crist. Magister Damchw+
einaỽd seith gỽahanredaỽl. discipulus Pa rei vu y
rei hynny. Magister Y kyntaf vu. seren diruaỽr
y goleuni a ymdangosses. Yr|eil. kylch eur+
eit a ymdywynygaỽd ynghylch yr heul. Y
trydyd. ffynnaỽn o oleu a dardaỽd o|r daear.
Y pedywyryd. Tangnefed a vu yna yn|y hoỻ
vyt. Y pymhet. yscriuennu a|wnaethpỽyt y|r
hoỻ vyt y dalu sỽỻt y ruuein. Y chwechet.
Deng|mil ar|hugeint o|r rei a ymwrthodes a
duỽ a|las yn|yr vn dyd. Seithuet. Yr aniuei+
leit mut a|dywaỽt. discipulus Mi a vynnỽn wybot ys+
tyr y rei hynny a|e rinnwedeu. Magister|Sef a|arỽyd+
ockaant. y seint a|r seren rac·eglur yỽ y pen+
naf o|r seint sef yỽ hỽnnỽ crist. Y kylch eur
yr hỽnn a|disgleiryaỽd yngkylch yr heul. a|ar+
ỽydockaa eglỽys duỽ yr honn a|oleuhaaỽd o
heul y wirioned. ac a goronaỽd o borthuaỽr
| « p 32 | p 34 » |