LlGC Llsgr. Peniarth 190 – tudalen 56
Ystoria Lucidar
56
ỽrth hynny gogonedus yỽ duỽ o iachau y
rei gỽirion. a molyannus yỽ o gyvyrgoỻi
y rei ennwir. Ysgriuennedic yỽ na chassa+
aỽd duỽ dim o|r a|wnaeth. discipulus Pa|delỽ y geỻir
dywedut caru o duỽ ynteu y rei da. a chas+
sau y rei drỽc. Magister|Ef a gar duỽ bop peth
o|r a greaỽd. ac ny dodes bop peth yn vn.
ac megys y car y ỻiwyd|bop ỻiỽ. a rei ha+
gen a|vyd hoffach ganthaỽ ef no|e gilyd.
veỻy y ryd ef bop vn yn|y ỻe y gỽedo. ac
ỽrth hynny y dywedir caru o duỽ y neb
a erbynnyo ef y lys nef. a chassau o+
honaỽ y neb a ossotto yn vffernaỽl gar+
char. discipulus Beth yỽ ryd ewyỻys Magister Rydit y
dewissaỽ da neu drỽc a hynny a|gafas y
dyn kyntaf ym paradỽys. ac yn yr amser
hỽnn ny dichaỽn neb wneuthur da na|e
dewissaỽ heb gaffel rat y gan duỽ.
discipulus Beth a|dywedy di am y neb a gyme+
ro abit crevyd. ac odyna ymchoelut y|r
byt drachefyn gỽedy eu proffes. Magister Y rei a
| « p 55 | p 57 » |