LlGC Llsgr. Peniarth 190 – tudalen 93
Ystoria Lucidar
93
assant ỽy adoli y|r geudỽyweu. Magister|Ef a|dyw ̷+
edir mae ym|babel tỽr y keỽri y dechreuỽyt
hynny yn|gyntaf. ef a|dywedir bot yn|y
uchder pedeir miỻtir ar|hugeint. ac yno y
bu y brenhin kyntaf o|r byt hỽnn vonebroth
y enỽ. ac a|wnaeth delỽ belo y dat. a|chymeỻ
paỽb o|r a|oed darostyngedigyon idaỽ ef o|e
adoli. ac ereiỻ o ymgyffelybu ac ynteu a|w+
naethant delỽeu y|r brenhined a vei gereint
udunt. a|chymeỻ y bobyl o|e hadoli megys
y gỽnaeth gỽyr greta y Jubiter. a|gỽyr athe+
nas. y cicropus. a|r latinyeit y ianus. a|gỽyr
ruuein y romulus. Ovyn gyntaf a|beris y
geudwyweu yn|y byt. med horas. a chythreul+
eit a eynt yn|y delỽeu hynny ac a|dỽyỻynt y
bobyl gan rodi attebyon udunt. a gỽattwar
am·danunt. discipulus Pa|le y bu babel. Magister. Yn|y ỻe y
mae babilon uaỽr yr aỽr. a|adeilyaỽd semira+
mis vrenhines. o|diglyst. a phridgyst. ual y
gỽrthỽynepei y tiglyst y|r tan. a|r pridgyst y|r
dỽfyr. deudec miỻtir a|deugeint yn|y hyt a|e
| « p 92 | p 94 » |