LlGC Llsgr. Peniarth 38 – tudalen 7r
Llyfr Blegywryd
7r
ỽatto llad dyn y myỽn llu. rodet lỽ de ̷+
gỽyr a deu vgeint a|thalet ỽheugeint
aryant. ~ ~ ~ ~ ~
N aỽ affeith tan. kyntaf yỽ rodi ky+
ghor y losci. Eil yỽ duunaỽ am
losci. Trydyd yỽ mynet gyt a|r neb a
losco hyt y lle y lloscer. Petỽeryd yỽ ym ̷+
dỽyn y|r·ỽyll. Pumhet yỽ llad y tan. ~
ỽhechet yỽ keissaỽ dylỽyf. Seithuet yỽ
ỽhythu y tan hyny ennynho. ỽythuet
yỽ rodi y tan y|r neb a losco ac ef. Naỽ+
uet yỽ edrych ar y llosc gan y odef. Y ~
neb a ỽatto vn o|r naỽ affeith hyn; rodet
lỽ degỽyr a deu|ugeint. y neb a lado tan.
neu a|e chỽytho hyny ennynho. neu a
rodo tan y|r neb a losco ac ef. haner y
collet a|ỽnel y tan a tal ef. a|r hanher arall
a tal y neb a losco ac ef. a hynny yỽ cỽb ̷+
yl ỽeithret llosc. ac ony byd neb yn affe+
ithaỽl gyt ac ef; ta* e|hunan yr holl goll+
et a del o|r llosc ony dichaỽn ymdiheuraỽ
trỽy reith gỽlat. ~ ~ ~ ~
N Naỽ affeith lledrat. kyntaf yỽ am+
| « p 6v | p 7v » |