LlGC Llsgr. Peniarth 46 – tudalen 261
Brut y Brenhinoedd
261
yn|y distryỽ. a gỽedy clybot o|r saesson hynny
bot y|bryttannyeit yn dyuot a|e brenhin ar
elor. ysgaelussaỽ a|ỽnaethant hỽy ymlad a|r
neb a|arỽedit ar elor o|ỽyr kyuurd ac ỽy.
a sef a|ỽnaethant mynet y|r dinas y|myỽn.
a megys na bei ouyn arnadunt adaỽ pyrth
y|dinas yn agoret yn|y|hol. a|gỽedy menegi
hynny y|r brenhin. erchi a|ỽnaeth uynet
am|benn y|dinas ac ymlad ac ef. a|dechreu y*
ymlad a|oruc y|kyỽydaỽyr a|r muroed ynn
ỽraỽl lidiaỽc. ac ual yd oed y|bryttannyeit
hayach yn goruot y|gỽrthỽynebaỽd y|saesson
udunt yn drut ac yn galet. ac eissoes y|doeth
y|nos. a|e gỽahanu y|ỽrth y|harueu. a|phann
ỽelas y|saesson y|syberỽyt yn argyỽedu v ̷ ̷+
dunt. ac yn|y goruot. medylyaỽ a|ỽnaethant
trannoeth rodi cat ar|uaes y|uthur a|e lu.
a|phann dyborthes yr|heul y|dyd tranoeth.
Mynet a|oruc y|saesson o|r|dinas megys y|dar+
paryssynt. a|phann ỽelas y saesson y|bryttanny ̷+
eit hynny ymluneithaỽ a|ỽnaethant ỽynte
yn uydinoed. a|chyrchu y|saesson. a|gỽrthỽy+
| « p 260 | p 262 » |