LlGC Llsgr. Peniarth 46 – tudalen 325
Brut y Brenhinoedd
325
uedraỽt eu bot yno. bydinaỽ y|lu a|oruc ef.
a|e dyscu a|e moli. a|dyuot y|rodi cat ar|ua+
es y|eỽythyr. ac yna diruaỽr aerua a|las
o|bop parth. a|mỽyhaf eissoes a las o|pleit
medraỽt. ac yn|y diỽed y|gymell ar|ffo yn
geỽilydyus. ac ny ohiryỽys hagen ỽrth
y calaned am dianc y|gantaỽ y|tỽyllỽr. na+
myn kymryt y|ford gann uaỽr urys parth
a|chernyỽ yny doeth hyt ar auon gamlan
y|lle yd oed uedraỽt yn|y aros. Gann uedy+
lyaỽ bot yn ỽell gantaỽ y|lad yno. neu yn ̷ ̷+
teu a orffei. no|ffo o|le y|le yn|ỽaradỽydus.
hỽy no hynny. Oed ettỽa o|e lu gantaỽ ha+
gen ỽegỽyr a|chỽechannỽr. a thrugein mil
ac o hynny y|gỽnaeth hỽe|bydin. ac ympob
bydin hỽegỽyr. a|thrugeint. a|hỽechant
a|hỽe mil. a|thyỽyssogyon neilltuedic ynn|y
llyỽyaỽ. ac nyt aeth yn|y bydinoed gadel
lleng o detholỽyr ygyt ac ef e|hun. ac adaỽ
a|ỽnaeth o|r gorffei ef rodi y|baỽp eur ac ary+
ant a|daoed ereill. ac erchi vdunt o un uryt
A C o|r parth ar +[ seuyll ygyt ac ef.
all gossot a|oruc arthur y|lu ynteu ynn
| « p 324 | p 326 » |