LlGC Llsgr. Peniarth 9 – tudalen 5r
Ystoria Carolo Magno: Chronicl Turpin
5r
yn aruaỽc ar deir milltir o|r gaer. Ac yghylch
degmil oed llu y sarascinneit. Ac yghylch y chwe
mil o cristynogyon. Ac yna y gỽnayth char+
lys deir bydin. Ar vydin gyntaf o|r marcho+
gyon clotuoraf. ar eil o pedyt. ar tryded o var+
chogyon. Ac velly y goruc y saracineit. A phan
yttoed y vydin gyntaf o arch charlys yn
kyrchu y saracineit dyuot pedestyr rac bron
pob marchaỽc udunt a gỽasgaỽt baruaỽc
cornyaỽc amdanunt kyffelyb y dieuyl a|the+
lyneu yn llaỽ pob vn onadunt yn eu kanu.
A phan gigleu meirch y cristynogyon y lleis+
seu hyny ac y gỽelsant eu haruthyr wasgo+
dyeu dychrynu a orugant hyt na allei eu
marchogyon eu hattal. A phan welas y dỽy
vydin ereill yn ffo ymhoylut a orugant
hỽynteu. A phan welas charlys hyny ryued+
u a oruc eithyr mod. yny adnabu pa ach+
aỽs oed hyny. A llawenhau a oruc y sara+
cineit ac eu hymlit. yn erhỽyr y doeth y cris+
tynogyon y vynyd a oed ar dỽy villtir o|r
gaer. Ac yna o kytuundeb yd ymklymaỽd
y cristynogyon y eu haros ar urỽydyr. A
phan welsant hỽy hyny kylyaỽ dracheuyn
ychydic a orugant. ac yna y tynnỽys y
cristynogyon eu pebylleu hyt trannoeth.
A phan dyuu y bore a|chymryt kyghor y
gorchymynỽys charlys y pob gỽr march
dodi penwisc o·heni a brethyn y gudyaỽ eu
| « p 4v | p 5v » |