Rhydychen, Llsgr. Rawlinson B 467 – tudalen 27r
Meddyginiaethau
27r
vẏnẏch letus a gỽer brỽt. a|phẏpẏr.
Rac ẏ|kic drỽc kẏmer ẏ saỽl a|vẏnẏch
o|benneu garỻec. a ỻosc hỽẏnt ar laỽr
glan a diffod hỽẏnt a gloeỽ uel. a bỽrỽ
ẏ ỻudu hỽnnỽ arnaỽ a gat ẏn blastẏr
hẏt ẏ trẏdẏd dẏd. a|gỽedẏ ẏ golcher
dot ỽrthaỽ blastẏr o|vlaỽt ẏ ros. a gỽa+
et hỽch ẏ·gẏt. ac ar ỽarthaf hỽnnỽ
plastẏr o vel berỽedic beunẏd. araỻ
ẏỽ ỻoscer gen March a|r danned yndi a
chẏmẏsc pẏpẏr a|blonec. a gỽedẏ tem+
prer drỽy saichs dotter beunẏd bla+
stẏr o hỽnnỽ ỽrthaỽ. hẏt ẏ penn pẏth+
eỽnos. Y beri dilifro berỽ ỽreid ẏr ẏs+
gaỻ man mẏỽn dỽfẏr a|e roi ẏ|r claf ẏ
ẏvet beunẏd. A|th gulhau ẏf sud ẏ
funẏgẏl. Rac traỻit ẏf sud ẏr api ̷+
um. Od|a Sarf mẏỽn dẏn neu vyn+
et prẏuet ereiỻ ẏn vẏỽ ẏn·daỽ tra+
| « p 26v | p 27v » |