Caergrawnt, Llsgr. Coleg y Drindod O.7.1 – tudalen 29v
Llyfr Blegywryd
29v
y gogyr. A hynny hyt y clyỽher y
galỽ ae throet ar y throtheu. Gỽreic
a geiff y gan tat y mab yr y vagu
kyhyt ac y dywetpỽyt vry. Peis a
talho pedeir keinhaỽc. A buch de ̷+
wisseit. A phadell a talho keinhaỽc
a dimei. A charreit or yt goreu a
tyfho ar tir y tat. A hynny a perth*
yr tayogeu. Mab bonhedic a dy+
lyir y vagu val hyn. Mam y mab
gyssefin ae hymduc naỽ mis yn|y
chroth. A thri mis gỽedy y ganher
hi ae mac. A hynny yn lle blỽydyn
idi. Odyna y tat a dyly keissaỽ idaỽ
y holl gyfreideu. Yn gyntaf y dyry
dauat. ae chnuf. ae hoen genti. Ac
odyna gỽereu neu geinhaỽc. A pha+
dell hayarn. neu pedeir keinhaỽc
kyfreith; a muneit o wenith y wneu+
thur iỽt idaỽ. A charreit deu ychen
o gynnut. A dỽy gyfelin o vrethyn
gỽyn neu vrith ar y mab. A buch
vlith. Ae llo. A thri carreit o wenith
A heid. A cheirch. A thri carreit o gyn+
| « p 29r | p 30r » |