Caergrawnt, Llsgr. Coleg y Drindod O.7.1 – tudalen 54r
Llyfr Blegywryd
54r
heb tỽg. ar brenhin a dyly kymell y
rei aỽssen o wys trỽy vechniaeth neu
auael paỽb o·honunt yr eil llys. A
phỽy bynhac a tremycco y kyfryỽ wys
yn yr oet kymeredic hỽnnỽ heb ach ̷+
aỽs aduỽyn. camlyryus uyd. y rei
kydrychaỽl hagen barnent y dadyl
neu tyghent nas gỽdant rac colli
camlyryeu. Ac yn yr eil oet yn|y try ̷+
ded lys. barnent y dadyl heb neb ryỽ
escus. neu y brenhin a gymero elchỽyl
ac a gynhalyo gauael paỽb o·honunt
hyt pan varnhont y dadyl honno
ae theruynu yn gỽbyl. Nyt oes
amgen poen na dial onyt kymhell
trỽy gyfreith am wassanaeth diffyc
neu dylyet. neu rent y brenhin o ̷+
ny wedir yn|y erbyn. eithyr gỽassa ̷+
naeth a diffyckyo ac ny aller y ennill.
Ny dylyir rydhau gauael a gymer ̷+
er dros vn or tri diffyc hyt pan wnel ̷+
her cỽbyl drosti. Kyn bo lliaỽs vn
vreint o vraỽtwyr yn yr un vraỽt.
vn eissoes a varn nyt amgen y neb
| « p 53v | p 54v » |