LlB Llsgr. Ychwanegol 19,709 – tudalen 57r
Brut y Brenhinoedd
57r
y vyrdin dywedut beth a arvydockaei hynny. Sef
a oruc ynteu yn|y ỻe gvehaynu y yspryt gan vylav.
a dywedut. Gvae hi y dreic coch. kanys y habaỻ
yssyd yn bryssyav y gogofeu. hi a achub y dreic wen
yr hon a arvydockaa y|saesson a ohodeist ti y|r y+
nys hon. Y dreic coch a arvydockaa kenedyl y bry+
tanyeit yr hon a gywarsengir y gan y dreic wen.
vrth hynny y mynyded a westeteir val y glynoed
ac a·uonyd y glynneu a|redant o waet. Diwhyỻ
y crefyd a dileir. a chvymp yr eglvysseu a ymdy+
wynnic. ac yn|y diwed y racrymha y gywarsangedic
ac a vrthvyneppa y dywalder yr estravn genedyl
kanys baed kernyv a ryd kanhorthvy. a mynyg+
leu yr estronyon a sathyr dan y draet. Ynyssed
yr eigavn a|darestvg idav. a gvladoed freinc a ve+
davt. Ty rufein a ofynhaa y dywalder ef. a|e di+
wed a vyd petrus. yg|geneu y bobyl yd enrydedir a|e
weithredoed a uyd bvyt y|r a|e datkano. whech gvedy
eff a ymlynant y teyrnwyalen. a gvedy ynteu y
kyfyt pryf o germania. Moravl vleid a drycheif
hvnnv. yr hvn a gytymdeithocka coedyd yr a·ffric.
Eilweith y dileir y gristynogaeth. a symudediga+
eth yr eisteduaeu penaf a vyd. Teilygdavt lun+
dein a enrydeda kaer geint. a bugeil kaer efra+
vc a vynycha ỻydav. Mynyv a wisgir o vanteỻ
gaer ỻion. a|phregethvr jwerdon a uyd mut ach+
avs y mab yn tyfu yg|kalon y vam. Ef a|daỽ
| « p 56v | p 57v » |