Llsgr. Bodorgan – tudalen 94
Llyfr Cyfnerth
94
ganhỽyll. Kyt llatho gỽassanaethwyr
y brenhin y dyn hỽnnỽ; ny dylyir gofyn
y alanas. O|r serheir righyll y brenhin
eisted yn dadleu y brenhin; taler idaỽ go+
greit eissin a chuccỽy. Pỽy bynhac a
sarhao y gilyd o werin y pedeir gỽlat
hyn. deheubarth. gỽyned. powys. lloe+
gyr; talet pedeir bu a phetwar vgeint
aryant idaỽ. Y neb a latho y gilyd o·hon+
unt. talet teir bu a thri vgeint mu heb
achwanec. Y neb a dywetto yn syberỽ
neu yn hagyr ỽrth y brenhin; talet idaỽ
tri buhyn camlỽrỽ yn deudyblyc. Pym+
hetdyd kyn gỽyl vihagel y dyly y bren+
hin gỽahard y goet hyn ym pen pym+
thecuetdyd gỽedy yr ystỽyll. Ar moch a
gaffer yn| y coet hyt ym pen y naỽuetyd
y decuet llỽdyn a geiff y brenhin. Ac o
hynny allan ewyllis y brenhin a uyd ym+
danunt. Brenhin a geiff o anreith y dill+
at amaerỽyaỽc ar arueu ar karcharoryon
heb eu kyfrannu a neb. ny dyly ynteu tra+
yan o|r kessyc tom. kanys yspeil ynt.
Pan gymero tayaỽc tir y gan y brenhin.
| « p 93 | p 95 » |