Llsgr. Caerdydd 1.363 (Hafod 2) – tudalen 51v
Brut y Brenhinoedd
51v
ar paỽb ac yn arweyn coron y teyrnas.
AC yn yr amser hỽnnỽ megys y keffyr yn
hystoryaeỽ gwyr rỽuueyn gwedy darỽot
y wlkessar gorescyn ffreync ef a damwennyỽs
y|dyỽot hyt ar lan traeth rwten. Ac gwedy
gwelet o·honaỽ odyna ynys prydeyn. goỽyn
a orỽc yr nep a oed yn|y kylch pa wlat oed ho+
nno. a pha kenedyl a|e kyỽanhedey. ac a|e pressw+
llyey. Ac gwedy kaffael ohonaỽ gwybot enw y
te·yrnas ar pobyl ef a dywaỽt. mwyn hercỽlff
hep ef o ỽn kenedyl yd henym ni. yr rỽueyn+
wyr ar brytanyeyt. kanys o kenedyl tro y
kerdassam ni. Eneas yscwydwyn gwedy dy+
striw tro a wu hen tat ynny yn kyntaf. Ac ỽd+
ỽnt wynteỽ y bỽ hentat brỽtỽs ỽap sylỽyỽs
ascanyỽs ỽap eneas. Ac o·nym twyllyr i. neỽ
ry di·ỽonhedassant wy. kanys megys y teby+
gaf ny wdant wy dym y ỽrth ỽylwryaeth w+
rth eỽ bot yn presswyllyaw odieythyr y byt ym
meỽn yr eygyaỽn. Ac ysgaỽyn herwyd y
tebygaf y byd eỽ kymell wynt y talỽ teyr+
nget ac y eỽ gwneỽthỽr yn trethaỽl. ac y
| « p 51r | p 52r » |