LlB Llsgr. Harley 4353 – tudalen 43r
Llyfr Cyfnerth
43r
war dyn nyt oes naỽd udunt rac y brenhin.
nac yn llys nac yn llan. Vn yỽ dyn a torho
naỽd y brenhin yn vn o|r teir gỽyl arbenhic.
Eil yỽ dyn a| ỽystler o|e vod y|r brenhin. Trydyd
yỽ y gỽynossaỽc. dyn a dylyho y porthi ac a|e
gatto y nos honno heb uỽyt. petweryd yỽ y
TEir kyflauan os gỽna dyn [ gaeth.
yn| y wlat. y dyly y vab colli tref y tat
o|e hachaỽs o gyfreith. llad y arglỽyd. A llad
y penkenedyl. A llad y teispan tyle. rac trym ̷+
het y kyflauaneu hynny. Tri thawedaỽc
gorsed. Arglỽyd gỽir yn gỽarandaỽ ar y wyr+
da yn barnu eu kyfreitheu. Ac ygnat yn
gỽarandaỽ haỽl ac atteb. A mach yn gỽaran ̷+
daỽ haỽlỽr ac amdiffynnỽr yn ymatteb.
TRi gỽanas gỽayỽ kyfreithaỽl yn dad ̷+
leu. Vn yỽ gỽan y arllost yn| y dayar ac
vn llaỽ. hyny vo abreid y tynnu a dỽy laỽ.
Eil yỽ gỽan y pen y myỽn tỽyn hyny gudyo
y mỽn. Trydyd yỽ y dodi ar lỽyn a| uo kyfuỽch
a gỽr. Ac ony byd yn vn o|r teir gỽanas hyn ̷+
ny. A mynet dyn arnaỽ mal y bo marỽ; tra ̷+
yan galanas y dyn a dygỽyd ar perchennaỽc
y gỽayỽ. Tri ofer ymadraỽd a dywedir yn
llys ac ny ffynnant. Gỽat kyn deturyt.
| « p 42v | p 43v » |