LlB Llsgr. Harley 958 – tudalen 37r
Llyfr Blegywryd
37r
paỽb ẏ sarhaet. Ae o vreint ẏ penkene+
dẏl. Ae o|e vreint e hunan. Ae o vreint ẏ
G Alanas pen·kenedẏl [ sỽẏd o|r bẏd.
a telir o tri·naỽ mu. a|thri·naỽ ugein
mu gan tri drẏchauel. Gwerth ẏ sarha+
et ẏỽ tri·naỽ mu a thri·naỽ ugeint arẏ+
ant. Gwerth aelaỽt penkenedẏl nẏt am+
gen ẏ gar. ẏỽ hwe bu a hwe ugeint mu
gan tri drẏchauel. Sarhaet breẏr dissỽẏd
a telẏr o hwe bu a hwe ugeint arẏant.
Ẏ|alanas a|telir o hwe|bu a hweugein mu gan
tri drẏchauel. Gwerth bonhedic canh·ỽẏn+
aỽl ẏỽ. teir bu a thri ugein mu gan tri drẏ+
chauel. Ẏ sarhaet ẏỽ teir bu a|thri ugeint
arẏant. Os gỽr breẏr uẏd bonhedic can+
hỽẏnaỽl pan lather ẏ gorwlat. hwe|bu
a geiff ẏ breẏr ẏ gan ẏ ỻofrud. Kẏmro vam+
tad vyd bonhedic canhỽẏnaỽl. heb gaeth
heb aỻtut heb ledach ẏndaỽ. Gwerth bi+
laen brenhin ter* bu a|thri ugeẏn mu gan
tri drẏchauel. Ẏ sarhaet ẏỽ. teir bu a|thri
ugeint arẏant. Galanas bilaen breẏr
hanheraỽc uẏd ar alanas bilaen brenhin.
Ac ueỻẏ ẏ sarhaet. Gỽerth aỻtut bren+
| « p 36v | p 37v » |