LlB Llsgr. Harley 958 – tudalen 52r
Llyfr Blegywryd
52r
arglỽẏd. Ac o rẏdha vn o·honunt heb rodi
sỽẏd idaỽ. hweugeint a dẏrẏ hỽnnỽ ẏ|r ar+
glỽẏd. Y neb a|talho ugein sỽỻt ẏn|ẏ ulỽẏ+
dẏn. ẏ gẏmeint a tal ẏn amobẏr ẏ verch.
A phan gẏmerho tir. ac ẏn|ẏ ebediỽ. A|r
neb a|talho dec sỽỻt. ueỻẏ dec sỽỻt a|tal ẏn
ẏ|racdẏwedigẏon achỽẏsson. Pob erỽ o
tir kẏỻidus a tal kẏmeint a|e gilẏd ẏn|ẏ
S eith escobtẏ ẏssẏd ẏn dẏ +[ ulỽẏdẏn.
uet. vn ẏỽ mẏnẏỽ ẏn eistedua arben+
hic ẏg|kẏmrẏ. Eil ẏỽ eglỽẏs ismael. Trẏ+
ded llan degman. Petwared llan ussẏllt.
Pẏmhet ỻan teilaỽ. Hwechet llan deulẏdaỽc.
Seithuet ỻan geneu. Abadeu teilaỽ a|theu+
lẏdaỽc. ac ismael. A degeman a dẏlẏant vot
ẏn ỻẏthẏrẏaỽl urdolẏon. Ebediỽ pob vn o|r
petwar hẏn ẏ arglỽẏd dẏuet. deudec punt ẏỽ.
A|r neb a del ẏn ẏ ỻe talet. Mẏnẏỽ a dẏlẏ
bot ẏn rẏd o pob ryỽ dẏlẏet. llangeneu. A
ỻan ussẏllt. rẏd ẏnt o ebediweu kanẏt oes
tir eglỽẏs udunt. Y neb a wnel gwaet ar
abat vn o|r eisteduaeu ar·benhic racdẏwede+
dic. talet seith punt idaỽ. A golchẏdes o|e
genedẏl ẏr gwaratwẏd ẏ|r genedẏl ac ẏr ka+
dỽ cof am tal ẏ sarhaet. Pump dẏn nessaf
| « p 51v | p 52v » |