Rhydychen, Llsgr. Coleg yr Iesu 20 – tudalen 46v
Saith Doethion Rhufain
46v
heraỽdyr. Myn vyg|kret ny|s dywedaf
ony rody dy gret ar dihenydaỽ y mab
a·uory. Dihenydyir myn vyg|kret heb
ef. LLyma y chwedyl heb hi. Pren frỽ+
ythlaỽn briỽgaỽclas* a oed y myỽn
fforest yn ffreinnck. A|r baed ny myn ̷+
nei ffrỽyth prenn yn y coet namyn
ffrỽyth y prenn hỽnnỽ. A dydgweith yd
arganuu y bugeil y prenn. a gwelet y
ffrỽyt* yn dec ac y* garueid velys aed ̷+
uet. A chynnullaỽ coeleit o|r ffrỽyth.
ac ar hynny nachaf y baed yn dyuot.
Ac ny chafas y bugeil o ennyt onyt
dringhyaỽ y vrig y prenn rac ofyn y baed
a|e goeleit ganthaỽ. A|r baed gwedy
na chafas y ffrỽyth megys y gordyf+
nassei. ffroeni a disgyrnu danned a oruc
ac arganuot y bugeil ym|bric y prenn
A thrỽy y lit dechreu diwreidaỽ y prenn
A phan weles y bugeil hynny. gollỽng
y ffrỽyth y|r baed a oruc. A|r baed pann
| « p 46r | p 47r » |