Rhydychen, Llsgr. Coleg yr Iesu 57 – tudalen 165
Llyfr Blegywryd
165
naỽ yna hyt galan mei. pedeir keinyaỽc. kyfreith. Ac yna
trugeint a|dal. ac yna ych kỽbyl vyd. Croen
ych deudec keinyaỽc a|dal. Teth buch. pedeir
keinyaỽc. kyfreith. a|dal. Croen buch. wyth keinyaỽc
a|dal. Y chroen a|e ỻygat a|e ỻosgỽrn. pedeir kei+
nyaỽc. kyfreith. a|dal pob un o·honunt. Gỽerth dant
eidyon. neu dant march tom; pedeir keinyaỽc. kyfreith.
yỽ O|r gỽerth dyn buch y araỻ. a bot teth y|r
vuch yn|diffrỽyth. gỽerth y deth a|dal bop blỽy+
dyn idaỽ tra vo y vuch ar y helỽ. Deu·geint a
dal eneit buch neu ych. dros y croen wyth gei+
nyaỽc. dros y pedwar chwarthaỽr wyth geinya+
ỽc. Dros y penn a|r traet a|r amysgar. a|r gỽer
pedeir keinyaỽc. Buch a|vyd taladỽy o|e heil
ỻo hyt y phymhet. Ych o|r dryded ieu hyt y chỽe+
chet. Y neb a|wertho buch neu ych. ef a|dyly bot
dros dri chlefyt. rac y dera dri·dieu a|their·nos.
rac yr esgyueint dri mis. Rac y peỻeneu. blỽydyn.
Teithi ych yỽ. eredic yn rych ac yng|gweỻt. ac
yn aỻt ac yng|gỽaeret. a|hynny yn|didon·rỽyc.
| « p 164 | p 166 » |