Rhydychen, Llsgr. Coleg yr Iesu 57 – tudalen 252
Llyfr Blegywryd
252
yn|gyfreithaỽl ae wadu. Os y wadu a|vyn ual
hynn y gỽedir. dyuot hyt yr eglỽys a|dywetpỽ+
yt uchot. ac yna dodi y ỻaỽ deheu idaỽ ar yr
aỻaỽr a|r|creireu a|vo arnei. a|r ỻaỽ assỽ ar
benn y mab. a|thyngu ueỻy y duỽ yn|y blaen
ac y|r aỻaỽr honno. ac y|r creireu ˄da yssyd arnei.
ac y|r gỽr a|e|gỽahanaỽd ef o greedigaeth tat
a mam. na ry greaỽd|ef y mab hỽnnỽ yng|cal+
lon y wreic honno eiroet. ac nat oes un da+
vyn o|e waet yndaỽ o·nyt a|daỽ o|adaf. O der ̷+
vyd idaỽ ef geissyaỽ oet hyt trannoeth. ny|s
dyly. O|deruyd idi hitheu geissaỽ creireu. ny|s
dyly oet namyn tridieu. kany|dyly eu keiss+
aỽ namyn yn|y chymỽt e|hun. O deruyd y
dat gỽadu mab o genedyl gỽedy dycker idaỽ.
ny eiỻ hỽnnỽ gaffel tat vyth wedy hynny. a+
chaỽs y uam a|e|duc yn|gyfreithaỽl. a|r tat a|e
gỽadaỽd ynteu yn|gyfreithaỽl. ac ỽrth hyn+
ny ny eiỻ ynteu gaffel tat yr eilweith. a|r tat
a|e gỽadaỽd yn|gyfreithaỽl ny byd carrdychw+
el ynteu ar hỽnnỽ dra|e|geuyn. kanyt atwna. kyfreith.
| « p 251 | p 253 » |