Rhydychen, Llsgr. Coleg yr Iesu 57 – tudalen 73
Llyfr Blegywryd
73
hin. dyn o|r dref honno a vei y bore yn|daeaỽc.
a|r nos honno yn|wr ryd. Eil yỽ y dyn y rodho
y brenhin vn o|r pedeir|sỽ·yd ar|hugeint ỻys
idaỽ. kynn rodi y sỽyd idaỽ yn|daeaỽc. a|gỽedy
y rodi yn|wr ryd. Trydyd yỽ. yscolheic y dyd kynn
kaffel coryn yn vab taeaỽc. a|r nos honno
yn wr ryd. ~ ~ ~ ~ ~ ~
TRi gỽerth kyfreith beichogi gỽreic.
vn yỽ. gỽaet kynn delwat. wyth a
deugeint a|dal o|r koỻir trỽy greulonder. Eil
yỽ. kynn dyuot eneit yndaỽ. o|r coỻir
trỽy greulonder traean y alanas a delir
amdanaỽ. Trydyd yỽ gỽedy del eneit yn+
daỽ cỽbyl o|e alanas a|delir amdanaỽ. o|r coỻ+
ir trỽy greulonder. ~ ~ ~
O Tri mod y gỽedir kyssỽynblant o
genedyl. vn yỽ. y neb a dywetter y vot
yn dat idaỽ. o|r byd byỽ a|dichaỽn y wadu ar y
lỽ e|hun. Ony byd byỽ y tat. penkenedyl a
seith laỽ kenedyl ganthaỽ a|e gỽatta. Ony
| « p 72 | p 74 » |