LlGC Llsgr. Llanstephan 27 (Llyfr Coch Talgarth) – tudalen 37v

rudgoeth·eur yn gyflaỽnyon o bop ryỽ amherodron mein gỽer+

thuaỽrussyon. ac amylder o glustogeu pali. a rei sidan. a|rei e+

urỻin ydanaỽ. ac yn|y gylch. ac ydan y draet. Ac yn|y ỻaỽ deheu

idaỽ yd oed teyrnwialen o eur mal. ac is y laỽ ar benn y wi·a+

len maen karbonklus ỻewychloeỽ. ac y ar y laỽ maen araỻ.

Ac o hynny y vyny y wialen yn deir keing yn ardangos teir

person y drindaỽt o|vn kyff undwywolder yn|ỻywyaỽ teir

bann y bedyssyaỽt. nef a daear ac uffern. A phan wehynyei

y serchaỽluab yspryt y dwyỽolserch anadyl. ef a gyfodei o+

honaỽ o ber·arogleu y baỽp yn gymeint ac nat oed neb·ryỽ

arogleu na rosis na|lilis. na neb·ryỽ ffrỽyth. na neb·ryỽ lyssew  ̷+

yn na myrr. na gỽt na bam. na|sinam. nac assia na neb·ryỽ

ireit gỽerth·uaỽr a|e kyffelypei. Ac ueỻy yd oed y gỽyn·vydic

nefaỽluab y* kyflenwi y pump synnwyr o serch y radeu ef e

hun. nyt amgen. o|e anueidraỽl degỽch yn kyflenwi y golỽc.

o|e arafber barabyl digrifỽch. yn kyflenwi y klywedigaeth.

o|r perwrychyon melyster a deuynt o wannegyat y gỽeuus+

seu ac o van dagreu y ỻygeit a syrthynt yn y kaỻonneu yn

kyflenwi y savỽr·vlas. ac o|r ysprydaỽl anadyl·wehynnyat

yn kyflenwi yr arogleu. ac o dynerder yr ysprydaỽl gnaỽt kym+

meredic o|r yspryt glan a ganedic o veir wyry yn kyflenwi y

pymhet synnwyr kyffredin y|r corff oỻ. sef yỽ hỽnnỽ kyflad

neu gyhỽrd. ac nyt ryued y greaỽdyr y pump synnwyr eu

kyflenwi o|e radeu ef. Ac yna y syrthyaỽd y braỽt geyr y

vronn yr euruab yn|y varỽ·lewyc o dra annỽylserch gary+

at ar y dỽywaỽluab hỽnnỽ. a|e gyuodi yn|drugaraỽc a|oruc

yr aduwynuab. a|dywedut ỽrthaỽ. Kyuot a|char vi beỻach yn