LlGC Llsgr. 3035 (Mostyn 116) – tudalen 165v
Brut y Tywysogion
165v
heb geissaỽ na phont na ryt kymrẏt eu ffo a|wnaethant. a|phan
welas y|freinc o ben y|mynyd yn fo. kyrchu y doryf vlaen a
wnaethant a ỻad kymeint ac a gaỽssant. ac yna y gỽasga+
rỽyt y giỽdaỽt bobyl ar draỽs y|wlat o|pop tu rei a|e hanni+
feileit gantunt rei ereiỻ wedy adaỽ pop peth namyn keissaỽ
amdiffyn eu heneideu. Yny edewit yr hoỻ wlat yn diffeith.
Yg|kyfrỽg hẏnẏ yd anuones henri vrenhin kenadeu at ywein
vab kadỽgaỽn y erchi idaỽ dyuot attaỽ. ac ynteu yn|y ỻe
a|aeth. a|phan doeth ẏ|dẏwaỽt y|brenhin ỽrthaỽ. Vyg|karediccaf
ywein a atwaenosti y ỻeidryn gan ruffud vab rys yssyd megẏs
yn ffoedic yn erbyn vy tywyssogyon. i. achaỽs. a|chanys cre+
daf i dy|uot ti. Yn gywira gỽr ymi. Mi a vynaf dy|fot ti yn
tywyssaỽc ỻu gyt a|m mab. i. Y ỽrthlad gruffud vab rẏs. a Mi
a|wnaf ỻywarch vab trahaeryn yn getymdeith it. kanys yn ̷+
ỽch chỽi aỽch deu yd ymdiredaf. i. a|phan ymchoelych drache ̷+
fyn mi a dalaf bỽyth it yn teilỽg. a|ỻawenhau a oruc ywein
o|r edewidyon a|chynuỻaỽ ỻu a ỻywarch gyt ac ef a mynet
y·gyt hyt yn ystrat tywi ỻe tybygynt vot gruffud vab rys
yn trigyaỽ canys coetir ynyal oed. ac yn|anaỽd y gerdet a
haỽd ruthraỽ gelynyon yndaỽ. a|phan deuthant y teruyn+
eu y|wlat hoỻ lu ywein a mab y brenhin a|e kymhortheit a
anuonassant eu bydinoed y|r coedyd paỽb y·dan yr amot
hỽn hyt nat arbedei neb y gledyf nac y ỽr nac y|wreic nac
y vab nac y verch. a|phỽy bynac a delyn na|s gochelynt heb
y lad neu y grogi neu trychu y aelodeu. a phan gigleu giỽ+
daỽtbobyl y|wlat hynny keissaỽ a|wnaethant furyff y geỻynt
gafel ymdiffyn. ac y·veỻy y|gỽassgarỽyt ỽynt rei yn ỻechu
yn|y coedyd ereiỻ yn ffo y|wladoed ereiỻ. Ereiỻ yn keissaỽ
| « p 165r | p 166r » |