LlGC Llsgr. Peniarth 11 – tudalen 12r
Ystoriau Saint Greal
12r
heb y galaath. Ac yna ef a|doeth ymeith. ac a|oỻyngwyt ysgỽier
y·gyt ac ef y edrych a vei reit dỽyn y daryan drachevyn. Ac ueỻy
y marchockaassant ỽy dwy viỻdir a mỽy. Ac yna y|myỽn glynn
coedaỽc. ỽynt a|welynt ty meudỽy. ac y ỽrth y ty ỽynt a|welynt
varchaỽc urdaỽl yn|dyuot parth ac attunt. a|e arueu a|oedynt
yn|wynnyon. A|r aỽr y gỽelas ef vrenhin bandymagus.
dan ostỽng y waeỽ y gyrchu a|oruc. A|r brenhin a|e herbyn+
nyaỽd ynteu. ac a|dorres paladyr y|marchaỽc ar hynt. A|r
marchaỽc ynteu a draỽaỽd y brenhin y adan y daryan
yny rỽygaỽ* modrỽyeu y luryc. Ac yny vyd y gỽaeỽ yn|y
balueis deheu idaỽ. ac ynteu ef a|e varch y|r ỻaỽr. a thynnv
y daryan y am y vynỽgyl. a|dywedut ỽrthaỽ ual y clywei
yr ysgỽier a|oed y·gyt ac ef. Tydi varchaỽc dyfyrỻyt ffals
gỽamal. paham y beidyeist di kymryt am dy vynỽgyl y
daryan honn. kanys ny chanhatỽyt hi namyn y|r march+
aỽc goreu o|r hoỻ vyt. A|gỽedy daruot idaỽ ef hynny dyỽ+
edut ỽrth yr ysgỽier a|oruc. Dos di drachefyn heb ef a
dỽc y daryan honn y varchaỽc urdaỽl iessu grist. yr hỽnn
a|elwir galaath yr hỽnn a|edeweist di gynneu yn|y vanach+
laỽc. Ac arch idaỽ y gan y goruchaf arglỽyd dỽyn y dary+
an honn am y vynỽgyl. ac ef a|e keiff hi vyth yn|gyn|neỽ ̷+
ydet ac yn gyn|decket ac y|mae yr aỽr·honn. Arglỽyd heb
yr ysgỽier a|dywedy ditheu imi dy henỽ. ual y gaỻỽyf inneu
y venegi y|r marchaỽc pan delỽyf attaỽ. Vy enỽ i heb ynteu
ny eỻy di ỽybot dim ohonaỽ. na thi na neb dynaỽl. a|r
hynn a|ercheis itti gỽna. Arglỽyd heb ynteu. kanny mynny
| « p 11v | p 12v » |