LlGC Llsgr. Peniarth 11 – tudalen 36v
Ystoriau Saint Greal
36v
ef a|welei yr offeiryat yn kymryt y goron y am benn y gỽr ac
yn|y roi ar yr aỻaỽr. ac odyna yn|geỻỽng y gỽr y orỽed. ac yn ky+
weiryaỽ yn|y gylch. Ac yna yr offeiryat a|diosges y wisc y amda+
naỽ. Peredur ynteu yna a|doeth hyt y letty yn|y ỻe y buassei
yn kysgu y nos gynt. ac a alwaỽd attaỽ vn o|r myneych ac
a|erchis idaỽ menegi pa vn oed y gỽr a|welsei ef yn|yr eglwys
yn kymryt corff y arglwyd a gỽedy hynny yn gorwed drache+
vyn. ac ef a|welir vot yn hynny ryuedaỽt maỽr. ac yr duỽ dyỽ+
et titheu ymi beth yỽ hynny. Yn ỻawen heb y manach mi a|e
dywedaf ytt. Ti a|glyweist heb ef mae drỽy orchymyn duỽ y
doeth Josep o arimathia y|r wlat honn y adeilyat cristonoga+
eth yndi. A gỽedy y dyuot ef a|gafas yma lawer o ovit a|blin+
der gan idewon a|oedynt yn|y wlat honn yr amser hỽnnỽ. Ac
yn|yr amser hỽnnỽ yr yttoed yn gỽledychu yn|yr ynys honn
brenhin creulaỽn heb drugared yndo yr hỽnn a|elwit coel.
A|phan|gigleu ef dyuot cristonogyon y|r wlat. ac ygyt ac ỽynt
yd oed ỻestyr maỽrweirthyaỽc o wyrtheu. o|r hỽnn yd oed baỽp
onadunt yn|kael y ymborth. Ef a|gymerth hynny yn|ỻe chw+
edyl. ac a|dywaỽt y mynnei wybot beth oed hynny yn ehegyr.
Ac yna ef a|luydaỽd ac a|doeth yn eu|herbyn. ac ar|hynt ef a
delis Josep a Josep y vab. a|e deu nei. a|chant o|r rei ereiỻ. ac
a|e roes yng|karchar. Eissyoes yd oed y·gyt ac ỽynt eu san+
teid lestyr. o achaỽs yr|hỽnn nyt oed arnadunt vn ovyn na
cheffynt digaỽn o vagyat eu kyrff. ac veỻy y kynhalyaỽd y
brenhin ỽynt yng|karchar deugein niwarnaỽt heb anuon dim
o|r bỽyt udunt. a|gwahard a|wnaeth y baỽp na bei neb mor
| « p 36r | p 37r » |