LlGC Llsgr. Peniarth 18 – tudalen 13r
Brut y Tywysogion
13r
gyt ac ef e|hunan. ac yna y|deuth y brenhin a|e
deulu ygyt ac ef hyt a|elỽir murcastell. ac alex+
ander ar iarll a|aethant y penaeth bachỽy. y|gh+
yfrỽg hynny yd anuones yỽein kennadeu at Gr+
uffud ac yỽein y ueibon y|erchi vdunt gỽneuth+
ur yn gadarn hedỽch yrygtunt yn erbyn y|gelyn+
nyon y|rei yd oedynt yn aruaethu y dileu yn gỽb+
yl neu y|gỽarchae yn|y mor. hyt nat enwit brytta*+
aỽl enỽ yn tragywydaỽl. ac ymaruoll. yghyt a
ỽnaethant hyt na ỽnelhei vn heb y|gilid na thagne+
ued na|chyfundeb a|e gelynnyon. Gỽedy hynny yd
anuones alexander vab y moelcolỽm. ar Jarll ygyt
ac|ef yn gennadeu at Ruffud ap kynnan y|erchi
idaỽ dyuot y hedỽch y brenhin ac adaỽ llawer idaỽ
a|e dỽyllaỽ y|gytuunaỽ ac wynt ar brenhin a|anuon+
es kenhadeu at yỽein y erchi idaỽ dyuot y|hedỽch ac
adaỽ y|gỽyr nallei gaffael na phorth na nerth y|gan+
tunt. Ac ny|chytssynnyaỽd yỽein a|hynny. ac|yn|y
lle nachaf vn yn dyuot attaỽ ac yn|dyỽedut ỽrthaỽ
byd ofalus a|gỽna yn gall yr hyn a|ỽnelych. llyma
Ruffud ac yỽein y vab gỽedy kymryt hedỽch gan vab
Moelcolỽm ar Jarll gỽedy adaỽ idaỽ onadunt gaffael
y|tir yn ryd heb na|threth na|chyllit arnaỽ tra uei vyỽ
y|brenhin. ac | ettỽa ny|chytssynnyaỽd
yỽein. ar eilỽeith yd|aruaethaỽd y|brenhin anuon ken+
nadeu at yỽein. a|chyt ac ỽynt Maredud vab bledyn.
| « p 12v | p 13v » |